Y los biervos
POR MATILDE GINI DE BARNATAN
Y los biervos devinieron silensio
Al echar i al levantar rogo por ellos;
Enmientres vo asendiendo las candelas...
Avoltan almas a la sivdad endurmesida
Se avren komo rozas escurras los rekodros
I a las karnes atornan las feridas...
Todos los biervos devinieron silensio,
Amatando la voz de vida en las kalejas
¿Ken apromete piadad para mi pueblo?
Travando de la lus de las estreyas
Matilde Gini de Barnatan (Argentina)
No hay comentarios:
Publicar un comentario